Facebook-ის კიდევ ერთი განახლება - მესენჯერიდან ჩატბოტები და „Discover“ გვერდი ქრება
Facebook-ის კიდევ ერთი განახლება - მესენჯერიდან ჩატბოტები და „Discover“ გვერდი ქრება

თუ მრავალი სხვა ადმიანივით მსოფლიოს გარშემო თქვენც „მესენჯერს“ იყენებთ დანარჩენ სამყაროსთან კომუნიკაციისათვის, მაშინ Android-სა და iOS-ის მომხმარებლებს, მომდევნო კვირების განმავლობაში რამოდენიმე მნიშვნელოვანი განახლება გელოდებათ.

თუ TechCrunch-ს დავუჯერებთ, ჩათ ბოტებს აპლიკაციიდან მალე დავემშვიდობებით. აგრეთვე გაქრება „Discover“ გვერდი, სადაც აქამდე სხვადასხვა შემოთავაზებები, თამაშები თუ ბიზნეს სუბიექტები გვხვდებოდნენ. ამიერიდან ეს გვერდი „სთორის“ ფორმატს მიეძღვნება, დაახლოებით ისე, როგორც ეს Snapchat-ის აპლიკაციაში გვხვდება.

ამიერიდან თქვენ შეგეძლებათ მხოლოდ ერთი დაჭერით ნახოთ თუ რომელი მეგობრები არიან ამჟამად აქტიურები, განახლებული აპლიკაცია კი მომხმარებელს მხოლოდ ორ ფანჯარას შესთავაზებს: ჩათი, სადაც თქვენი ყველა მიმოწერა იქნება და ხალხი, სადაც  სთორებს და აქტიურ მეგობრებს დაინახავთ.

სხვა სიტყვებით რომ ვთქვათ, აპლიკაცია მეტად კონცენტრირებული იქნება მე მიმოწერაზე, მეგობრებთან საინტერესო თემების გაცვლაზე და ნაკლებ სივრცეს დაუთმობს სხვა მახასიათებლებს, როგორებიც არიან ონლაინ შოპინგი თუ თამაშები, რომლებიც პირდაპირ აპლიკაციაში იხსნებოდნენ.

ბოტები და ბიზნესი

როგორც TechCrunch-მა Facebook-ის ადმინისტრაციისაგან გაარკვია, განახლებები ზოგიერთ მომხმარებელთან ონლაინ რეჟიმში მიმდინარეობს, ფართო მასები კი მას უახლოეს მომავალში იხილავს. ცვლილებები ნაწილობრივ გამოჩნდება და საერთო ჯამში განახლება ფაქტობრივად თვეებს გასტანს.

რაც შეეხება უშუალოდ ბოტებსა და ბიზნეს ანგარიშებს, მათი ნახვა აპლიკაციაში კვლავაც შესაძლებელი იქნება, მაგრამ მათ ახალ ინტერფეისში სანახავად მომხმარებელს მათი საძიებო ველში მოძებნა მოუწევს. აგრეთვე, თქვენ კვლავაც შეგიძლიათ მიწეროთ ბიზნეს გვერდებს პირდაპირ ფეისბუქის გვერდებზე, როგორც ეს აქამდე იყო.

ახალი განახლება იმის მაჩვენებელია, რომ როგორც ჩანს მარადიული ბრძოლა იმისთვის, რომ მომხმარებელი ერთ ჩათ აპლიკაციაში მოაქციოს კვლავაც გრძელდება. ამასთან ერთად, ფეისბუქი კიდევ ერთ დიდ მოთამაშეს ფლობს ბაზარზე. საუბარი WhatsApp-ზე გვაქვს. ამ დროს ეფლს საკუთარი „iMessage“ აქვს, ხოლო გუგლი ხალხს „RCS messaging“-ის გამოყენებისკენ მოუწოდებს.

საბოლოოდ, განახლებები რომლებსაც „Facebook Messenger"-ში მომხმარებელი უახლოეს მომავალში ნახავს, ბევრად უფრო მარტივს გახდის მიმოწერას და მომხმარებლის ყურადღებას პირველ რიგში სწორედ აქეთ მიმართავს. ამასთან ერთად, თქვენ ყოველთვის შეგიძლიათ აპლიკაციის „მუქი ვერსიის“ გამოყენებაც.


მასალის ავტორი: ოთარ ვახტანგაშვილი


კომენტარები