გაჯეტები, რომლებიც დისტანციურ სწავლებას გაგიმარტივებთ: რა უნდა შეიძინოთ.
გაჯეტები, რომლებიც დისტანციურ სწავლებას გაგიმარტივებთ: რა უნდა შეიძინოთ.

ფერადი პრინტერი

პრინტერი და თანაც ფერადი - ნამდვილად გამოგადგებათ დისტანციური სწავლების პროცესში. იმისათვის რომ, მოსწავლეს მთელი დღის მანძილზე არ მოუწიოს კომპიუტერთან ჯდომა, სასურველია საჭირო მასალა ამობეჭდოთ, რაც ნამდვილად მეტად მოსახერხებელია - ამასთან,  ხშირ შემთხვევაში პედაგოგები დავალების შესრულებას ითხოვენ ფურცელზე და არა ციფრული სახით.

ერთ-ერთი კარგი ვარიანტი სახლისთვის არის - Canon Multifunctional PIXMA G1410. ფერადი პრინტერი მოგცემთ საშუალებას სწრაფად და ხარისხიანად ამობეჭდოთ როგორც დოკუმენტები, ასევე ფოტოსურათები (ფოტოქაღალდზე).

ტაბლეტები

ბავშვების უმრავლესობა უკვე აქტიურად და თავისუფლად იყენებს სმარტფონს. მაგრამ, თუ მისი ეკრანი კითხვისა და დავალებების შესასრულებლად ძალიან პატარაა, ტაბლეტის ეკრანი სწორედ რომ შესაფერისია ამ შემთხვევაში. მასზე შესაძლებელია ხატვა, პრეზენტაციების შედგენა, კითხვა, სასწავლო ვიდეორგოლების ყურება და სხვა. მაგრამ თუ თქვენ ბიუჯეტურ, დაბალხარისხიან და ,,საბავშვო“ ტაბლეტის ყიდვას აპირებთ მოსწავლისთვის - ის არ გამოდგება და რატომ?!... ასეთი მოწყობილობა შესაფერისია პატარებს გასართობად და არა მოსწავლეებსა და სტუდენტებისთვის. ამიტომ მხედველობაში გქონდეთ მეტად ,,ზრდასრული“ ტაბლეტები, რომლებსაც არ ექნებათ შეზღუდული ინტერნეტთან და სხვადასხვა სასწავლო პროგრამებთან წვდომა. საჭიროების შემთხვევაში ტაბლეტს დაუყენეთ მშობლის მიერ შეზღუდვის პროგრამა.

კომპანია Samsung-მა გამოუშვა ტაბლეტის ახალი ხაზი -Galaxy Tab A7, ამმოდელსგააჩნიაკარგი AMOLED ეკრანი, 8გბშიდამეხსიერება (დამატებითიმეხსიერებისბარათისჩამატებისსაშუალება), მძლავრიპროცესორიდაკარგიაკუმულატორი.

მონიტორი

მიმდინარე მოვლენებიდან გამომდინარე, მოსწავლეს ნახევარი დღის გატარება კომპიუტერთან უწევს. იმისათვის, რომ მოსწავლემ არ დაიზიანოს მხედველობა ადრეულ ასაკში, აუცილებლად უნდა იზრუნოთ ხარისხიანი მონიტორის, ან ნოუთბუქის შეძენაზე. შერჩევის პროცესში ყურადღება მიაქციეთ მაღალ სიმკვეთრეს, ხარისხიანი ფერების გადმოცემას და თვალების დაცვის ტექნოლოგიის მხარდაჭერას.

ყველაზე ოპტიმალური ვარიანტი იქნება - DELL P2414H/860-BBBQ, ეკრანის ზომა 23,8“ მისცემს მოსწავლეს საშუალებას დაუღლელად იმუშაოს. ასევე თავისუფალ დროს ითამაშოს, უყუროს ფილმებს ან Youtube-ს, თვალების დაძაბვის მინიმალური საშიშროებით.

ნოუთბუქი

თუ თქვენ არ გსურთ ბავშვისთვის ცალკე კომპიუტერის გამოყოფა - უყიდეთ მას ნოუთბუქი - მითუმეტეს, ახლა სხვადასხვა მოდელების საკმაოდ დიდი არჩევანია ხელმისაწვდომი ფასებით. მაგალითად, ACER NC-ES1-572-38T8/NX.GD0ER.053, ამ მოდელის ფასი და მონაცემები სრულ ბალანსშია, პროცესორი I3, ოპერატიული მეხსიერება 6გბ, SSD მყარი დისკი და ეკრანის ზომა 15,6“ - ამ ნოუთბუქით მოსწავლეს არ გაუჭირდება ონლაინ გაკვეთილების მოსმენა, დავალებების შესრულება, საჭირო ინფორმაციის მოძიება, ასევე თავისუფალ დროს ამ ნოუთბუქის გამოყენებას შეძლებს სათამაშოდ, ფილმების ან სერიალების საყურებლად და ა.შ.

ყურსასმენები მიკროფონით

როგორც სახლიდან სწავლებისთვის, ასევე ჩვეულებრივ სასკოლო რეჟიმის დროს, ბავშვს კარგი ყურსასმენები ნამდვილად ესაჭიროება. არ ვგულისხმობთ მხოლოდ მუსიკის მოსმენას, არამედ ონლაინ კონფერენციებისა და სასწავლო ვიდეომასალების ყურებას. თუ მოსწავლეს არ აქვს საკუთარი ოთახი - ყურსასმენები ხმაურის დახშობის ფუნქციით საკმაოდ აქტუალური და გამოსადეგია. ასე სწავლების ხმები არ შეაწუხებთ ოჯახის წევრებს და პირიქით, ოჯახის წევრები არ შეუშლიან ხელს სწავლის პროცესს. გთავაზობთ - GENIUS HS-G560 BLACK, ყურსასმენი უერთდება როგორც ნოუთბუქს, ასევე დესკტოპ კომპიუტერს, გააჩნია მიკროფონი და რაც მთავარია საკმაოდ ხარისხიანია.

ფიტნეს სამაჯური

არ არის აუცილებელი, მაგრამ საკმაოდ სასარგებლო აქსესუარია ნებისმიერი მოსწავლისთვის. არა მხოლოდ იმისთვის, რომ ბავშვმა დაითვალოს მისი ნაბიჯები და დამწვარი კალორიები, არამედ ძალიან გამოსადეგია შემომავალი ზარებისა და შეტყობინებების გასაგებად. მისი საშუალებით, იმ შემთხვევაშიც კი, თუ ბავშვს ტელეფონი ედება ჩანთაში, ან შეერთებული ექნება დასამუხტად სხვა ოთახში - არ გამოტოვებს მშობლების ზარს, რადგან მას სამაჯური შეატყობინებს. მსგავსი სამაჯურების არჩევანი დიდია, საკმაოდ პოპულარული ბრენდია XIAOMI, მისი ფასისა და ხარისხის შეხამება ყველას აკმაყოფილებს. სამაჯურს გააჩნია ყველა ზემოთ ჩამოთვლილი ფუნქცია XIAOMI MI BAND 3 BLACK

კომენტარები