Huawei nova6-ის სელფის კამერა საუკეთესოდ დასახელდა
Huawei nova6-ის სელფის კამერა საუკეთესოდ დასახელდა

კომპანია Huawei-ს უახლესი სმარტფონი nova 6 5G, რომელიც ჩინეთის ბაზარზე უკვე ჩაეშვა, ორმაგი ფრონტალური კამერით გამოვიდა. ეს კი ნიშნავს, რომ მას სელფის კამერა ერთის ნაცვლად აქვს ორი, რაც ავტომატურად მის ხარისხზე აისახა. კამერამ მალევე მიიქცია ყურადრება და ის DxOMark-ის რეიტინგში აღმოჩნდა.

ამ ვებგვერდის მიხედვით, სელფის კამერების ჩამონათვალში აღნიშნულმა სმარტფონმა 100 შესაძლებლიდან 100-ვე ქულა მიიღო და პირველ ადგილზე Galaxy Note10+ 5G ჩაანაცვლა, რომელსაც 99 ქულა აქვს.

Nova 6 5G ორი კამერითაა, მის მთავარ კამერას 32 MP გარჩევადობა აქვს, მეორეს კი 8 MP გარჩევადობა. შედეგად კი კამერას შეუძლია შემოგვთავაზოს კარგი გარჩევადობა ყველანაირ გარემო პირობებში მისი HDR-ის წყალობით. DxOMark-ის აღწერით, კამერას აქვს დინამიური ფერთა აღქმა, რაც მას ნებისმიერ გარემოში ადაპტირებულს ხდის, ასევე სუფთაა თეთრის ბალანსი, ხოლო ფერთა გამა - ლამაზი.

წყარო: BPN

კომენტარები