iOS 14 გამოსვლის თარიღი და შესაძლებლობები
iOS 14 გამოსვლის თარიღი და შესაძლებლობები

მართალია iOS 14 - ის გამოსვლის თარიღი ჯერ კიდევ საკმაოდ შორსაა და ახლანდელი ვერსია, iOS 13 სულ ახლახანს ვიხილეთ მზის სინათლეზე, მაინც მომდევნო დიდი განახლების შესაძლებლობები, მოსალოდნელი თარიღი თუ სხვა სპეციფიკური დეტალები ეფლის ფანებისთვის ძალიან საინტერესოა.

მართალია ისიც, რომ Apple-ს ჯერ-ჯერობით ოფიციალურად არ დაუსახელებია არანაირი ზუსტი დეტალი iOS 14-ის შესახებ, მაგრამ მანამ სანამ iPhone 12 გამოვა შეგვიძლია ზოგიერთი დეტალი წინასწარ განვსაზღვროთ, რომელიც მომდევნო დიდ ოპერაციულ განახლებას შეეხება.

ზოგიერთი ახალი შესაძლებლობა, რომელსაც iOS 14 შემოგვთავაზებს საკმაოდ მარტივად გამოსაცნობი და მოსალოდნელია. ერთ-ერთი ასეთია 5G ტექნოლოგია. კომპანიამ საბოლოოდ გადაწყვიტა 5G ტექნოლოგიის დანერგვა, რომელიც ახალი გენერაციის ტელეფონებში დაიმკვიდრებს ადგილს.

რაც შეეხება სხვა განახლებებს, რომელსაც iOS 14-ში ვიხილავთ, მათი მხოლოდ მეტ-ნაკლებად წინასწარ განსაზღვრა და ამის წყალობით მოლოდინების შექმნა შეგვიძლია. წინასწარი გათვლებით, ახალ ოპერაციულ სისტემას AR სათვალის თავსებადობა უნდა გააჩნდეს, ვინაიდან ამ ტექნოლოგიის დანერგვას Apple 2020 წლისთვის გეგმავს. ასევე, როგორც ინტერნეტში გავრცელდა, ახალ ოპერაციულ სისტემას შესაძლოა ჩაკეცილი აპლიკაციების ახალი გადამრთველი ქონდეს, ახალი დიზაინით. თუმცა, რამდენად ავთენტურია ვიდეო, ამის შესახებ ვერაფერს გავიგებთ.

ვიდეოს ლინკი: https://youtu.be/QcunCGU3g3E

მოსალოდნელი გამოსვლის თარიღი:

ბოლო დიდი ოპერაციული განახლება კომპანიამ 19 სექტემბერს განახორციელა, ერთი დღით ადრე, სანამ iPhone-ს ახალი ხაზის პრეზენტაციას გამართავდა და მათ აქტიურ გაყიდვაში ჩაუშვებდა. ამიტომ, მოსალოდნელია რომ iOS 14-ს სექტემბრის ბოლოს უნდა ველოდოთ, ზუსტად მაშინ როდესაც ამერიკული გიგანტი iPhone 12-ს წარადგენს.

სავარაუდოდ, Apple წინა წლების გამოცდილებას გაყვება და ახალი ოპერაციული სისტემის პრეზენტაცია WWDC 2020-ზე გაიმართება, რომელიც სტარტს მაისის დასაწყისში აიღებს. ამის შემდეგ, საზოგადოება ახალი ბეტა ვერსიის წვდომას მიიღებს.

ვინ მიიღებს წვდომას iOS 14-ზე:

მაშინ, როდესაც ძველ ოპერაციულ განახლებას წლების წინ, თითქმის ყველა მომხმარებელი იღებდა, როგორც ეს iOS 12-ის შემთხვევაში მოხდა, უკვე iOS 13-ზე წვდომა მხოლოდ iPhone 6S ან iPhone SE-ის შემდგომ გამოსულმა მოწყობილებებმა მიიღეს. ჯერ-ჯერობით, არ არის ცნობილი რა ახალ შესაძლებლობებს მიიღებს iOS 14, ამიტომ ზუსტად იმის თქმა, თუ ვის ექნება მასზე წვდომა, შეუძლებელია.

სამაგიეროდ, მარტივია ზოგიერთი ტელეფონის გამოცნობა, რომელიც ახალ ოპერაციულ სისტემაზე წვდომას დიდი ალბათობით ვერ მიიღებს. ამჟამად ასეთ ტელეფონად iPhone 7 მოჩანს. აგრეთვე, დიდი კითხვის ნიშნის ქვეშ დგას iPhone SE მიიღებს მას თუ არა.

ის ფაქტი, რომ iPhone SE 2 2020 წლის მარტში გამოდის, სავარაუდოდ მისი წინა ვერსია ახალ პროგრამას ვერ მიიღებს, თუმცა ასევე არსებობს მეორე მოსაზრებაც, რომ iOS 13-ის მსგავსად ახალ პროგრამას ყველა მიიღებს, ვისაც iPhone 6S ან iPhone SE-ის შემდეგი ვერსია აქვს.


კომენტარები