რა უნდა წავიღოთ სალაშქროდ? ნივთების ჩამონათვალი, რომლებიც აუცილებლად თან უნდა იქონიოთ
რა უნდა წავიღოთ სალაშქროდ? ნივთების ჩამონათვალი, რომლებიც აუცილებლად თან უნდა იქონიოთ

რა უნდა წავიღოთ სალაშქროდ? ნივთების ჩამონათვალი, რომლებიც აუცილებლად თან უნდა იქონიოთ

ხშირ შემთხვევაში, ადამიანს, რომელიც პირველად აპირებს სალაშქროდ წასვლას, უჩნდება არაერთი კითხვა: ,,რა უნდა წავიღო?“, ,,როგორი ზურგჩანთაა საჭირო?“ და ა.შ. პირველ როგში აუცილებლად გასათვალისწინებელია ის ფაქტი, რომ ზურგჩანთის ტარება თავად მოგიწევთ, ამიტომ ნებისმიერი, სულ პატარა ზედმეტი ნივთიც კი საბოლოო ჯამში მას დაამძიმებს. ამიტომ, ჩვენ შევეცდებით დაგეხმაროთ იმ აუცილებელი ნივთების სიის შედგენაში და გავცეთ პასუხი ყველაზე ხშირად დასმულ კითხვებს.

მთავარი კითხვები, რომელიც უნდა დასვათ ლაშქრობაში წასვლამდე

1. სად მივდივარ?  თუ არჩევანი მთაზე შეაჩერეთ, გასათვალისწინებელია სიმაღლე, რამდენად შორს და მაღლა აპირებთ ასვლას. მაღალმთიან ადგილებში ხშირ შემთხვევაში არის ქარი, საკმაოდ ცივა და ამინდიც ცვალებადია.

2. რამდენი დღით მივდივარ? ლაშქრობა, როგორ წესი 1 დან, 3 დღემდეა, ამ შემთხვევაში თქვენ წასაღებად ბევრი ნივთი არ დაგჭირდებათ, მაგრამ თუ ლაშქრობა არის უფრო ხანგრძლივი, გასათვალისწინებელია ნივთების დუბლირება, რადგან თქვენს ზურგჩანთაში არსებული ზოგიერთი ნივთი, თქვენს უსაფრთხოებასა და ჯანმრთელობას განაპირობებს.

3. წელიწადის რა დროა და როგორი ამინდი იქნება? გასაგებია, რომ ამინდის 100% პროგნოზირება არ არსებობს, მითუმეტეს თუ მთაში აპირებთ სალაშქროდ გამგზავრებას, ამიტომ აუცილებელია თან გქონდეთ დაცვა ქარისგან, წვიმისგან და სიცივისაგან, ხოლო ზაფხულში - სიცხისაგან.

4. სად ვათენ ღამეს? შესაძლოა, ლაშქრობისას ღამის გათენება კოტეჯებში ან პატარა სასტუმროში დაგეგმოთ, მაგრამ შეიძლება ღამე გარეთ, კარავში გაატაროთ.

5. რა უნდა ვჭამო? გარდა სასურველი პროდუქტების შერჩევისა, თქვენ უნდა გაითვალისწინოთ ის, რომ საკვების მომზადება მოგიწევთ, ბუნებაში და შესაბამისად, ასე ვთქვათ, ველურ პირობებში. ასევე უნდა მოიფიქროთ, თუ რაზე დაამზადებთ ან გააცხელებთ საჭმელს (ცეცხლი, ან გაზის პორტატული ქურა).

მოდით ჩამოვთვალოთ სალაშქრო ინვენტარის მთავარი ნივთები:

1.კარავი -  კარავი შეიძლება იყოს ერთადგილიანი, ორი ან ოთხი. ავტომატური, ან ხელით გასაშლელი. არჩევანი თქვენზეა, რადგან თქვენ უკვე გეცოდინებათ, რამდენი ადამიანი აპირებთ სალაშქროდ გამგზავრებას და როგორ გაინაწილებთ ადგილებს -  ერთ კარავში თუ რამდენიმეში.

2. ზურგჩანთა - ატრიბუტი, რომლის გარეშეც ლაშქრობა წარმოუდგენელია, ზურგჩანთის შეძენისას პირველ რიგში უნდა გაითვალისწინოთ მისი ტევადობა და კომფორტულობა. მაგალითისთვის, ზურგჩანთა SPORT AOMINGGE 80Lგანკუთვნილია  ხანმოკლე ტურებისთვის, მისი მოცულობაა 80ლ.

3. საძილე ტომარა - სასურველია ღამე საძილე ტომარაში გაატაროთ, რადგან ის დაგიცავთ, როგორც სიცივისგან, ასვე შეგმატებთ სიმყუდროვის შეგრძნებას.

4. კარვის გამათბობელი - თუ თქვენი ლაშქრობა ცივ ამინდში იგეგმება და ღამის თევა კარავშია გადაწყვეტილი, სასურველია გქონდეთ კარვის გამათბობელი.

5.ხელჯოხი - თითქოს და უბრალო, მაგრამ ძალიან სასარგებლო ნივთი, რომელიც დაგეხმარებათ და გაგიადვილებთ გადაადგილებას ლაშქრობისას.

სხვა დამატებით და საჭირო ნივთები შეგიძლიათ იხილოთ ჩვენ საიტზე -  სალაშქრო ინვენტარში.


კომენტარები