როგორ მივიღოთ ყიდვისას სწორი გადაწყვეტილება?
როგორ მივიღოთ ყიდვისას სწორი გადაწყვეტილება?

როგორ მივიღოთ ყიდვისას სწორი გადაწყვეტილება?

„რომელი აჯობებს?“ „ეს, თუ ის?“ „სად ვიყიდო?“ - ეს იმ შეკითხვების მოკლე ჩამონათვალია, რომლებსაც რაიმე ნივთის ყიდვისას ჩვენ თავს ვუსვამთ. თანამედროვე სამყაროში შექმნილმა ნივთების დიდმა არჩევანმა გადაწყვეტილების მიღება კიდევ უფრო რთული გახადა. თუ გავრისკეთ და ბოლოს და ბოლოს, შევიძინეთ ჩვენთვის სასურველი ნივთი, შეკითხვების მორიგი ნაკადი გვატყდება თავს: გამომადგება? ღირდა მისი ყიდვა? სხვაგან უფრო იაფი ხომ არ ეღირებოდა?..

ამიტომ, გთავაზობთ სამ ძირითად რჩევას, რომლებიც ყიდვისას სწორი გადაწყვეტილების მიღებაში დაგეხმარებათ.

1.  რა მჭირდება მე და რას მთავაზობს ის?

სანამ რამე ნივთის ყიდვას გადაწყვეტთ და მაღაზიებში გაეშურებით, დაფიქრდით, კონკრეტულად რა გჭირდებათ? მაგალითად, თუკი ტელევიზორის შეძენას აპირებთ, გონებაში ჩამოთვალეთ, რა მახასიათებლები უნდა ჰქონდეს ტელევიზორს, რომ მოგეწონოთ. კონკრეტული მოდელების ნახვისას კი ჰკითხეთ თქვენ თავს: აკმაყოფილებს ის ჩემს მოთხოვნებს? მთავაზობს იმას, რაც მე მინდა და მჭირდება? გააზრებულად მიღებული გადაწყვეტილება ყოველთვის სწორი გადაწყვეტილებაა.

2.  სხვა ხომ არ სჯობს?

ყოველთვის განიხილეთ ალტერნატივა და ნუ შემოიფარგლებით მხოლოდ ერთი მაღაზიითა თუ ერთი ბრენდით. ნახეთ ამა თუ იმ პროდუქტის შესახებ დაწერილი გამოხმაურებები, ჰკითხეთ რჩევა ადამიანებს, რომლებიც უკვე ფლობენ იმ ნივთს, რომლის შეძენასაც თქვენ აპირებთ, დაუსვით მათ თქვენთვის საინტერესო შეკითხვები. მას შემდეგ, რაც უკვე არჩეული ნივთის შესახებ მცირე მოკვლევას ჩაატარებთ, გადაწყვეტილების მიღებისას გაცილებით თავდაჯერებული იქნებით.

3.  ფასების შედარება

ყველაზე უსიამოვნო შემთხვევაა, როდესაც ბევრი ფიქრის შედეგად გადაწყვეტილებას იღებ, შენაძენით კმაყოფილი ხარ და მეორე დღეს აღმოაჩენ, რომ იგივე ნივთი სხვა მაღაზიაში უფრო იაფი იყო. რა თქმა უნდა, თანამედროვე სამყაროში არ გვაქვს იმის დრო, რომ ქალაქის ყველა მაღაზია მოვიაროთ და ჩვენთვის სასურველი პროდუქტის იდეალური ვარიანტი შევარჩიოთ, მაგრამ დღეს უკვე ეს აღარ არის საჭირო. შეგიძლიათ price.ge-ზე სახლიდან გაუსვლელად შეამოწმოთ თქვენთვის სასურველი ნივთის ფასები ერთდროულად რამდენიმე მაღაზიაში და ყველაზე ოპტიმალურზე შეაჩეროთ არჩევანი.

Price.ge-ზე შეგიძლიათ არა მხოლოდ ტექნიკის ფასები შეადაროთ ერთმანეთს, არამედ კატალოგიდან შეარჩიოთ ავეჯი, ტანსაცმლი, საბავშვო ნივთები, სპორტის აქსესუარები და მრავალი სხვა. რაც მთავარია, ამ უპირატესობებით სრულიად უფასოდ სარგებლობთ და სასურველ ნივთს მარტივად პოულობთ.


კომენტარები