როგორ შევარჩიოთ მაცივარი და რა უნდა ვიცოდეთ მის შეძენამდე?
როგორ შევარჩიოთ მაცივარი და რა უნდა ვიცოდეთ მის შეძენამდე?

დღესდღეობით, როდესაც არსებობს მაცივრების უამრავი მოდელი, ძალიან რთულია გააკეთოთ სწორი არჩევანი, არ აჰყვეთ მარკეტოლოგების ხრიკებს, ანმხოლოდ კონსულტანტის რჩევაზე არ იყოთ დამოკიდებულები. მსგავსი რამ რომ არ შეგემთხვათ, ჩვენ მოგიყვებით თუ რას უნდა მიაქციოთ ყურადღება მაცივრის შეძენისას.

პირველ რიგში ჩამოყალიბდით მაცივრის ტიპსა და გაბარიტებზე

არ დაიწყოთ მაცივრის შერჩევას მხოლოდ ბრენდის მიხედვით, არამედ დაფიქრდით იმაზე, თუ როგორი ფუნქციონალურების მაცივარი გჭირდებათ.

მაცივრები საყინულე კამერით:

ორკამერიანი მაცივრები - ძირითადი და საყინულე კამერა განთავსებულია ცალ ცალკე, მას გააჩნია ორი კარი და არ ესაჭიროება ხშირი გალღობა.

ერთკამერიანი მაცივრები- ესაჭიროება ხშირი გალღობის პროცედურა, მაგრამ მაცივარი არის საკმაოდ მცირე ზომაში და შესაბამისად ფასიც ნაკლებია. ასეთი ტიპის მაცივრები გამოგადგებათ აგარაკზე ან დასასვენებელ ადგილებში, რომლებშიც მუდმივად არ ცხოვრობთ.

მაცივრის ტევადობა

სრული ტევადობა - არის მაჩვენებელი, რომლის მიხედვითაც ხდება კამერების დატვირთვა (შევსება) ნორმების მიხედვით.

მოცულობა 250ლ-მდე აკმაყოფილებს 1-2 ადამიანის მოთხოვნებს;

250-300ლ - ოჯახისთვის, 3 ადამიანზე;

300-350ლ - 4-5 ადმიანზეა გათვლილი;

500ლ ზემოთ გამოიყენება იმ შემთხვევაში თუ ოჯახში არის განსაკუთრებული მოთხოვნები პროდუქტების შენახვისთვის, მსგავსი მაცივრები „side-by-side“ ტიპის არიან, რაც ნიშნავს იმას, რომ მაცივარს გააჩნია ორი კარი, მარცხნივ განთავსებულია საყინულე, მარჯვნივ კი მაცივრის კამერა. მსგავსი მაცივრები გამოირჩევა დიდი ზომით.

მაცივრის გალღობის სისტემები

თუ თქვენ გისარგებლიათ ძველი მაცივრით, იცით, თუ როგორი რთულია მაცივრის გალღობა, ხშირად ხდება საყინულეში ყინულის მატება, საჭიროა მაცივრის გათიშვა, ყინულის გალღობა, წყლის გადასხმა და ა.შ.

წვეთოვანი გალღობის სისტემა - სისტემა განთავსებულია მაცივრის უკანა კედელში, როდესაც მაცივარი ისვენებს, სწორედ ამ სისტემით ხდება წყლის წვეთების გადაცემა არხით მაცივრის ქვედა მხარეს განთავსებულ სპეციალურ აუზში. მოცემული სისტემის მქონე მაცივრებს დიდი ყურადღება არ ესაჭიროებათ, მთავარია წვეთოვანი სისტემა არ გაიჭედოს. სასურველია ნახევარ წელიწადში ერთხელ მაცივრის გათიშვა და სრული გალღობა.

სისტემა No Frost - გამოიყენება უფრო ძვირადღირებულ მაცივრებში. მისი მუშაობის პრინციპი არის ცივი ჰაერის დატრიალება საყინულე კამერაში ვენტილატორების საშუალებით, რის გამოც არ ხდება ყინულის დაგროვება კამერაში და მისი გალღობა ხორციელდება ავტომატურად.

Full No Frost - ამ სისტემით მომუშავე მაცივარს არ უგროვდება ყინული საყინულე კამერაში, ხოლო მაცივრის კამერაში ყოველთვის არის სიმშრალე, რადგანაც ორივე კამერაში მუშაობს ვენტილატორი.

მაცივრის კომპრესორი (ძრავი)

მაცივრის გაციების პროცესი ხორციელდება კომპრესორის მეშვეობით. გამოვყოთ ორი ტიპი:

ერთკომპრესორიანი მაცივარი - ხშირ შემთხვევაში მაცივრის ორივე კამერა მუშაობს ერთი კომპრესორის მეშვეობით. მაგალითად, თქვენ ვერ გათიშავთ მხოლოდ ერთ კამერას.

ორკომპრესორიანი მაცივრები - ამ ტიპის მაცივრებს გააჩნიათ კამერის გათიშვის, ან სასურველი ტემპერატურის დაყენების ფუნქცია.

კლიმატური კლასები მაცივრებში

ხშირ შემთხვევაში არავინ არ აქცევს ყურადღებას ამ მაჩვენებელს. ჩვენ მაინც მოკლედ აღვწერთ ამ კლასებს:

კლასი N - მუშაობს +16 +32°С დიაპაზონში. საუკეთესო კლასია სახლისათვის;

კლასი SN – მუშაობს +10დან +32°С, საუკეთესო არჩევანია აგარაკისთვის, სადაც არ არის მუდმივი გათბობის სისტემა;

კლასი ST - მუშაობს +18დან +38°С - კარგი არჩევანია ცხელი რეგიონებისათვის;

კლასი T - მუშაობს +18დან +43°С - გამოიყენება განსაკუთრებით ცხელ რეგიონებში, ან მზის ქვეშ დგომისთვის.

მაცივრის ენერგოეფექტურობა

მაცივარი არის მოწყობილობა, რომელიც მუდმივად მუშაობის რეჟიმშია, ამიტომ სასურველია აირჩიოთ მაცივარი, რომელსაც ექნება ნაკლები ენერგომოხმარება.

ენერგოეფექტურობა აღინიშნება ლათინური ასოებით A,B,C,D,E,F,G. ყველაზე ნაკლებ ენერგიას მოიხმარენ მაცივრები A კლასით. ახალი მაცივრის მოდელების მარკირება ხდება უკვე A+, A++ და ა.შ. ამ ტიპის მაცივრები მოიხმარენ კიდევ უფრო ნაკლებ ელექტროენერგიას.

იმედი გვაქვს ჩვენი სტატია დაგეხმარებათ და გაგიადვილებთ ახალი მაცივრის შერჩევასა და შეძენას.


კომენტარები