როგორ შევარჩიოთ ტელევიზორი და რას არ გვეტყვიან მაღაზიაში
როგორ შევარჩიოთ ტელევიზორი და რას არ გვეტყვიან მაღაზიაში


მოცემულ სტატიაში შევეცდებით მოკლედ ჩამოვწეროთ ტელევიზორების ძირითადი მახასიათებლები და ფუნქციები, რომლებსაც სასურველია შეძენამდე მიაქციოთ ყურადღება და რომლებზეც შესაძლოა მაღაზიაში არაფერი გითხრან.

დიაგონალი

რაც უფრო დიდია ეკრანის ზომა, მით უფრო ეფექტურია მისი ყურება, მაგრამ ნუ შეიძენთ იმაზე დიდ ტელევიზორს ვიდრე თქვენ გჭირდებათ. გაითვალისწინეთ ოთახის ზომა, სადაც აპირებთ ტელევიზორის დადგმას და ასევე მანძილი, საიდანაც აპირებთ მის ყურებას. მაგალითისთვის, 40“ ეკრანისთვის საჭიროა 2,5მ დისტანცია, ხოლო 65“ ეკრანისთვის 4 მეტრამდე.

ეკრანის გაფართოება

ეკრანის გაფართოება პირდაპირ დამოკიდებულია გამოსახულების დეტალიზაციაზე, დღესდღეობით ბაზარზე არსებობს ოთხი სტანდარტი: HD სტანდარტი - საკმაოდ მოძველდა და უკვე იშვიათად გხვდება ან საერთოდ აღარ არის გაყიდვაში. 8K ტელევიზორი -  ჯერჯერობით არ გირჩევთ, რადგანაც შესაბამისი ხარისხის გამოსახულება იშვიათად თუ შეგხვდება. მოდით გავარჩიოთ არსებული გაფართოებები:

·  HD (1 280 × 720) - მოძველებული მაგრამ ყველაზე გავრცელებული ფორმატი, სავსებით აკმაყოფილებს ტვ არხების ყურებას, ეკრანის დიაგონალის ზომა ასეთ ფორმატში საშუალოდ არ აღემატება 32“;

·  Full HD (1 920 × 1 080) - ამ ეტაპზე ყველაზე პოპულარული გაფართოებაა, კონტენტის ძირითადი რაოდენობა ზუსტად ამ გაფართოებით ვრცელდება;

·  UHD ან 4K (3 840 × 2 160) - გაფართოება, რომელიც რამდენიმე წელიწადში სრულად შეცვლის წინა ფორმატებს და გახდება ძირითადი. იდეალური ფორმატია ინტერნეტისთვის, ფილმებისთვის და ა.შ.

·  8К (7 680 × 4 320) -  ახალი გაფართოება, რომლის ყიდვასაც ჯერჯერობით აზრი არ აქვს, რადგანაც ამ ეტაპზე შესაბამისი არც არხები არსებობს და არც კონტენტია მრავლად ინტერნეტში.

ეკრანის მატრიცა

ამ ეტაპზე არსებობს სამი ძირითადი მატრიცის ტიპი : LED, QLED, OLED. თითოეულს გააჩნია პლუსები და მინუსები, მოდით გავარჩიოთ ეს ტიპები:

LED

LED ტექნოლოგია ფაქტიურად არის იგივე LCD ტექნოლოგია, რომელიც მუშაობს დიოდებზე. ამ ტექნოლოგიამ მწარმოებლებს მისცა საშუალება შეემცირებინათ ტელევიზორების სისქე და გაეხადათ ისინი მეტად ბრტყელები.

QLED

ამ ტექნოლოგიის სხვაობა წინასთან არის ლურჯი დიოდების გამოყენება, ისინი აფორმირებენ დამატებით წითელსა და მწვანე ფერს, სპეციალური ფენის საშუალებით. ყველაფერი ეს გვაძლევს მკვეთრ და მდიდარ გამოსახულებას. QLED მატრიცები ბევრად ძვირი ღირს წინა მატრიცასთან შედარებით.

OLED

პრინციპულად სხვა, უფრო თანამედროვე ტექნოლოგია, რომელსაც საფუძველად აქვს ორგანული დიოდები. OLED ტელევიზორები გამოირჩევიან საუკეთესო ფერთა გამით, კონტრასტით და სისქით, ის შეიძლება მხოლოდ რამდენიმე მილიმეტრს აღწევდეს. OLED ტელევიზორების შეძენა არის მიზანშეწონილი ფილმებისა და სერიალების საყურებლად, ხოლო თამაშებისთვის უმჯობესია QLED ტელევიზორის შეძენა.

ოპერაციული სისტემა

ყველა თანამედროვე ტელევიზორს გააჩნია ოპერაციული სისტემა, რომელიც ხდის მას ჭკვიან (სმარტ) ტელევიზორად. ოპერაციული სისტემის საშუალებით მომხმარებელს შეუძლია უყუროს YouTube-ს, დააყენოს სხვადასხვა აპლიკაციები და ა.შ.

WebOS- სისტემა, რომელიც მოჰყვება მხოლოდ LG ტელევიზორებს, აქვს კარგი ინტერფეისი და ოპტიმიზაცია. მინუსად ითვლება აპლიკაციების სიმცირე.

Tizen – Samsung-ის ჭკვიან პლატფორმას, იგივე შესაძლებლობები აქვს, რაც წინას. განსხვავება მხოლოდ  ვიზუალურ მხარესა და ჭკვიანი სახლის მხარდაჭერის Samsung Smart‑Things-ის ფუნქციაა.

Android TV - ბევრისათვის ცნობილი სისტემა, რომელიც ტელევიზორებშიც გამოიყენება. მისი დიდი უპირატესობა არის Google Play-თან წვდომა და აპლიკაციების უხვი რაოდენობა.

პორტები და უსადენო სტანდარტები

HDMI- ყველაზე მთავარი პორტი. ასეთი პორტი უნდა იყოს მინიმუმ ორი, რადგანაც ამ პორტის მეშვეობით თქვენ აერთებთ სათამაშო მოწყობილობას, საუნდბარს და ა.შ.

USB - სასურველია ტელევიზორს ჰქონდეს მინიმუმ ორი პორტი.

Ethernet - ამ პორტის საშუალებით შეგიძლიათ ტელევიზორი კაბელით დაუკავშიროთ ინტერნეტს.

WiFi - უსადენო ინტერნეტთან დაკავშირების საშუალება.

Bluetooth - გამოიყენება უსადენო ყურსასმენებისა და მობილურ მოწყობილობიდან ტელევიზორზე კონტენტის ტრანსლირებისათვის.

ჩვენ ჩამოვწერეთ ყველა ის ძირითადი პარამეტრი, რომელისაც უნდა მიაქციოთ ყურადღება ტელევიზორის ყიდვისას, არსებობს ასევე წვრილმანები, რომელიც უკვე ინდივიდუალურია და მომხმარებლის გემოვნებაზეა დამოკიდებული. მაგალითად, 3D პულტის მხარდაჭერა და ა.შ.


კომენტარები