რომელ მობილურ ფოტო რედაქტორს  ირჩევ  შენ?
რომელ მობილურ ფოტო რედაქტორს ირჩევ შენ?

მობილური ფოტოგრაფიის სწრაფად განვითარებასთან აქტუალური  გახდა მობილური ფოტორედაქტორების შექმნის საკითხი; ფოტორედაქტორი არის აპლიკაცია, რომელიც  საშუალებას გვაძლევს, ჩვენს ფოტოებს მივცეთ სასურველი  დიზაინი და შევქმნათ ჩვენი პერსონალური შედევრები. აღსანიშნავია,  რომ მიუხედავად მობილური ფოტო რედაქტორების სიმრავლისა, აპლიკაციები  #Vsco და #Snapseed ყველაზე პოპულარულ და უკონკურენტო ფოტორედაქტორებად  რჩება ამ დრომდე.

საინტერესოა ამ ორს შორის მაინც რომელი უფრო  მეტ შესაძლებლობას და  ტექნიკურ მრავალფეროვნებას სთავაზობს Android-ის და iphone-ს მომხმარებელ მობილური ფოტოგრაფიის მოყვარულებს?

Snapseed-ს აქვს 29 მძლავრი იარაღი. ფოტოს არჩევისთანავე ყველა მათგანის ჩვენება ხდება ერთ ეკრანზე ფილტრებთან ერთად. Snapseed გვთავაზობს ყველა კლასიკურ სარედაქტორო იარაღს, Sharpening ფუნქცია კი დეტალებს ისე კვეთავს, რომ Grainy ეფექტი არ შექმნას. აღსანიშნავია ასევე Selective tool რომელიც ფოტოს კონკრეტულ მონაკვეთზე ისეთი მანიპულირებების საშუალებას იძლევა, როგორიცაა კონტრასტი, სატურაცია, სიკაშკაშე.

შეიძლება ითქვას, რომ Snapseed და Vsco ერთმანეთს ავსებენ კიდეც, მაგალითად Vsco- ს არა აქვს  Snapseed-ის მენიუში შემავალი HDR იარაღი, რომელიც საშუალებას იძლევა დეტალურად გაანათო ან ჩაამუქო  ფოტოს შესაბამისი ადგილები, სამაგიეროდ Vsco ფილტრების უფრო დიდ არჩევანს გვთავაზობს; ფილტრების შთამბეჭდავი სისტემა ისეთ შთაბეჭდილებას გვიქმნის, თითქოს  კადრებს ფილმებიდან ვათვალიერებთ.

Vsco იდეალურია მოყვარული ფოტოგრაფებისა და სელფის მოყვარულთათვის, Vsco  გვთავაზობს მძლავრ ფოტოსარედაქტორო იარაღებს, რაც მას Snapseed- ის ღირსეულ  კონკურენტად აქცევს; აღსანიშნავია, რომ ის არა მარტო რედაქტორი, არამედ სოციალური მედიაპლატფორმაც  არის სადაც დამწყები და მოყვარული ფოტოგრაფები ერთმანეთს უზიარებენ  საკუთარ ნამუშევრებს და გამოცდილებას, ასევე Instagram-ის მსგავსად იძლევა  საშუალებას ნახო სიახლეები გამოწერილი პირებისგან. აპლიკაციის მეორე ნაწილს Studio ჰქვია, სწორედ აქ ხდება ფოტოების არჩევა და რედაქტირება.

ავტორი: მარიამ ადამია

კომენტარები