Windows 10-ს მალე ახალი საწყისი მენიუ ექნება
Windows 10-ს მალე ახალი საწყისი მენიუ ექნება

Windows 10-ს მალე ახალი საწყისი მენიუ ექნება

როგორც ჩანს, „Microsoft“ მალე Windows 10-ის მორიგ განახლებას აპირებს, რისი საშუალებითაც მომხმარებელი ახალ საწყის მენიუს მიიღებს. მენიუს „Live Tiles“ ღილაკები მოშორდება.

„Live Tiles“ ფუნქცია კომპანიამ Windows Phone 7-ის ოპერაციული სისტემის გამოშვებისას დანერგა, რამეთუ სურდა შეექმნა ისეთი სისტემა, რომელიც თანაბრად კარგად მოერგებოდა როგორც ტელეფონს, ასევე ტრადიციულად პერსონალურ კომპიუტერს. ამისთვის, ფუნქცია მალევე Windows 8-ზეც გამოჩნდა, თუმცა საერთო ჯამში, „უნივერსალური“ საოპერაციო სისტემის დანერგვა წარუმატებელი გამოდგა.

იმის შემდეგაც კი, რაც „Microsoft“-მა Windows 8-ის ძალიან უღიმღამო ინტერფეისი მეტ-ნაკლებად უფრო ტრადიციულით ჩაანაცვლა Windows 10-ის შექმნის დროს, „Live Tiles“ კვლავაც რჩებოდა საწყის მენიუში, უბრალოდ ახლა უკვე მისი გამორთვა იყო შესაძლებელი.

თუმცა, როგორც ჩანს კომპანიაში საბოლოოდ მიიღეს „Live Tiles“-ის ფუნქციის პროდუქციიდან ამოღების გადაწყვეტილება. ფუნქციამ უკვე რამოდენიმე განახლება გამოტოვა, ახლა კი მისი საერთოდ ამოღება და სტატიკური ღილაკებით ჩანაცვლება იგეგმება. Windows 10-ის მომდევნო განახლება „20H2“ 2020 წლის მეორე ნახევარში იგეგმება, როგორც ეს სახელიდანაც ჩანს.

ასე რომ, თუ გავრცელებულ ინფორმაციას დავუჯერებთ, „Live Tiles“-ს უკვე 2021 წელს ვეღარ ვიხილავთ.

„Live and let Live Tiles“

„Live Tiles“-ის ფუნციის იდეა მდგომარეობა შედარებით მოზრდილი, არა-სტატიკური ღილაკების დამატებაში, რომელიც მუდმივად, ავტომატურად განახლდებოდა. მაგალითად, ამინდის Live Tiles უნდა განახლებულიყო ადგილმდებარეობისა თუ ამინდის ცვლილებასთან ერთად.

მაშინ, როცა ფუნქცია მობილურ ტელეფონებზე საკმაოდ კარგად მუშაობდა, ტრადიციულ პერსონალურ კომპიუტერზე თუ ლეპტოპზე ის უბრალოდ მძიმე ტვირთად იქცა, რომელსაც თითქმის არავინ იყენებდა.

მას შემდეგ რაც Microsoft-მა „Live Tiles“-ის ფუნქციის განახლებები შეწყვიტა, ფუნქცია კიდევ უფრო გაუმართავი და უსარგებლო გახდა, რომელსაც კიდევ უფრო ცოტა ადამიანი მოიხმარდა.

სხვა ცნობები Windows 10-ის განახლების შესახებ

თუ გავრცელებულ ხმებს დავუჯერებთ, Windows 10-ის საწყის მენიუში „Live Tiles“-ს სტატიკური ღილაკები ჩაანაცვლებს, რისი საშუალებითაც ის Windows 10X-ს მენიუს დაემსგავსება, რომელიც ამ ოპერაციული სისტემის უახლეს ვერსიას წარმოადგენს, რომელზეც Microsoft ახლა მუშაობს.

ჩვენ უკვე ვნახეთ, რომ Microsoft-მა ერთხელ უკვე დანერგა ახალი ღილაკები Windows 10-ში, რომელთა გამოყენება მომხმარებლებს უკვე შეუძლია. ასე რომ, ნათელია კომპანია საწყისი მენიუს შეცვლას კვლავაც აპირებს.

საერთო ჯამში, ისეთი მნიშვნელოვანი ფუნქციის განახლება და დახვეწა, როგორიც საწყისი მენიუა, რომელსაც თითოეული მომხმარებელი ყოველდღიურად ისვენებს, ცოტა არ იყოს, დაგვიანებულია.



მასალის ავტორი: ოთარ ვახტანგაშვილი


კომენტარები